Tölum saman reynir á tjáningu og sjónarhorn nemandans. Átt er samtal um ákveðið listaverk af eigin vali við nemendur sem varðar þeirra skoðun á verkinu. Spurt er um persónulega túlkun verksins, hvaða tilfinningar vakna við áhorf verksins, merkingu verksins og aðra þætti varðandi sjónarhorn einstaklingsins á verkinu og hvort það gæti breyst með aukinni vitneskju um verkið eða utanaðkomandi þætti. Þessi þáttur verkefna á sér mikinn grunn í kenningum John Bergers um hvernig við sjáum list frá mismunandi sjónarhornum.
Hvernig líður þér?
Við erum öll eins fjölbreytt og listin í heiminum, sem þýðir að við höfum ólíkar skoðanir á því sem við sjáum. Hver er þín upplifun á verkinu sem verið er að horfa á? Segðu frá tilfinningunum þínum og hugsunum varðandi verkið. Engin svör eru röng þar sem þetta er þín eigin persónulega upplifun á verkinu.
Utanaðkomandi Öfl
Er eitthvað sem getur haft áhrif á það hvernig við sjáum list? Sjónlist virkar hvar sem er hvort hún sé stödd í raunheiminum eða á netinu vegna þess að eina sem hún þarf er sjónina. Sjónlist er hljóðlát og hreyfingarlaus og virkar sem gluggi inn í myndefnið sem á sér stað.
En eru einhverjir þættir sem gætu breytt því hvernig við sjáum verkin? Af hverju haldið þið að þessir þættir hafa áhrif á listina og hvernig?
Gæti það verið persónuleg reynsla? vitneskja um verkið? eða allt aðrir þættir eins og tónlist eða hreyfing? Hvað haldið þið?
